Programi i Studimit të Ciklit të Dytë, Master Profesional “Siguria dhe Rendi Publik” është i vlefshëm për të gjithë kategoritë e studentëve që kanë përfunduar studimet e ciklit të parë (BA) në programe studimi që kanë lidhje me këtë fushë dhe jo vetëm studentët e diplomuar të Fakultetit të Drejtësisë. Nëpërmjet këtij programi të diplomuarit pajisen me njohuri të thelluara dhe ekspertizë profesionale në fushën e Sigurisë dhe Rendit Publik. Një program kaq specifik është i vetmi që ofrohet nga institucionet e arsimit të lartë dhe është shumë i kërkuar në tregun e punës duke garantuar mundësi të plota punësimi për të gjithë ata që janë diplomuar deri tani.