Programi i Studimit Bachelor në Infermieri garanton arritjen e një sërë objektivave, që bëjnë të mundur formimin e duhur teorik dhe praktik të një profesionisti të fushës së infermierisë, në mënyrë që të konkurrojë denjësisht në tregun e punës vendas dhe të huaj. Njëkohësisht njohuritë e fituara në këtë program studimi i ofrojnë mundësi çdo të diplomuari për t’u përballur në mënyrë të suksesshme me kërkesat në rritje të standardeve dhe praktikave më të mira europiane. Programi i studimit i formon infermierët me njohuritë më të mira për ushtrimin e profesionit dhe për thellimin e mëtejshëm të studimeve të tyre në programet Master i Shkencave dhe Master Profesional të infermieristikës. Gjithashtu i përgatit ata për ofrimin e një shërbimi cilësor dhe të sigurt në spitale, klinika dhe qendra shëndetësore publike dhe private.