Programi i Studimit Master i Shkencave në Informatikë Ekonomike përgatit specialistë me njohuri të qëndrueshme në dy fusha të rëndësishme ku ndërlidhen aftësitë informatike me ato të menaxhimit. Në këtë mënyrë ai realizon formimin e figurave të reja profesionale që janë në gjendje të veprojnë si ndërlidhës të këtyre kompetencave, duke menaxhuar e analizuar sasinë e të dhënave të mbledhura. Në këtë mënyrë, ata mund të mbështesin një vendimmarrje mbi të dhëna të besueshme në nivel kompanie apo institucioni. Në përfundim të studimeve të këtij programi, të diplomuarit mund të punësohen në kompanitë e ndryshme të biznesit apo në institucionet shtetërore, vendase dhe ndërkombëtare si ekspertë të përpunimit të të dhënave e statistikave, menaxherë, drejtues e kërkues shkencorë të niveleve të ndryshme.