Programi i studimit Master i Shkencave në Menaxhim Ekzekutiv i pajis studentët me njohuritë më bashkëkohore për drejtimin e kompanive të biznesit të të gjitha niveleve, si brenda ashtu dhe jashtë vendit. Studentët e diplomuar në këtë cikël studimi do të jenë të aftë të konceptojnë, të organizojnë, të marrin vendime dhe t’i ekzekutojnë ato në mënyrë efektive. Nëpërmjet këtij programi studentët aftësohen të jenë njerëz vizionarë e krijues, që tentojnë të bëjnë rolin e lidershipit dhe harmonizojnë interesat brenda një kategorie biznesi.